WORLD Vision i bung wantaim WaterAid, Plan International na Live & Learn na kamapim wanpela WASH Konsotium long bringim ol helt autkam aninit long inklusiv na ikwitabel wara, senitesen na haijin long Papua Niugini.

‘WaSH Em i Bikpela Samting’ o sotim long WEBS em wanpela tingting we Australia Gavman i sapotim aninit long Water for Women (WfW) Fund.Dispela konsotium i luksave long gutpela ekses long ol sevis bilong WaSH we olgeta man, meri na pikinini maski wanem kain kondisen ol i stap long en i ken i gat wankain ekses. Em i impoten long sapotim dispela tingting long wanem em bai i sapotim COVID-19 rispons strateji bilong gavman bilong Papua Niugini. Astingting bilong dispela tingting o inisietiv em long impruvim WaSH long ol helt kea fasiliti long ol projek eria na long wankain taim lukim olsem olgeta meri, pikinini meri, na ol pipel i stap wantaim disabiliti i gat ekses na wankain skel long kisim gutpela WaSH sevis. Konsotium i luksave olsem sastenabiliti bilong WaSH em i hevi. Ol i tok i mas i gat gutpela patnasip wantaim ol gavman ejensi na dipatmen long kamapim klia fokas long sastenabiliti bilong ol intavensen bilong WaSH we Konsotium bai i wokim. Konsotium bai i wok klostu wantaim ol komyuniti, ol Distrik Atoriti, ol Provinsal Gavman na distrik na provinsal edukesen na ol helt menesa long Atonomus Rijon bilong Bogenvil, Nesenel Kapitel Distrik, Morobe na Nu Ailan Provins.