PLANTI tok tok i kamap long amenmen o rifom gavman i bin mekim long dispela nupela monitari polisi intavensen bilong ILS long Papua Niugini Sentral Benk (PNGCB).

Planti ol biknem man long kantri i no wanbel long dispela nupela rifom long rausim indepeiden stet bilong PNGCB long mekim wok bilong en olsem bikpela fainensel kontrola bilong kantri. Bipo memba bilong Goroka, Bire Kimisopa i autim tingting bilong em long dispela isu na i askim gavman long harim gutpela toktok na mekim samting long bihainim gutpela rot. Kimisopa i tok long kamapim dispela amenmen long taim bilong sindaun long Baset i bagarapim pinis dispela gutpela astingting bilong gavman.  Minista bilong Tresari, Ian Ling-Stuckey i bin tokaut long amenmen bilong Temporari Advens Fasiliti (TAF) long Sentral Benk tasol PNGCB i no laikim, tasol dispela amenmen i go het na kamap. Kimisopa i tok dispela i soim olsem yumi olsem kantri i stap long lus graun taim yumi putim wil bilong yumi long PNGCB. Em i tok dispela FRA polisi we leit Gren Sif Sir Michael Somare na Bart Philemon i kamapim long stopim gavman long mekim kisim na mekim wok antap long lus mani bai kamap olsem samting bilong bipo. Mista Kimisopa i singaut long gavman na ol stekholda long mekim wanpela riviu na go bek gen o holim gen dispela amenmen inap gutpela tingting i kamap long karim aut dispela amenmen. Em i tok dispela i ken kamapim bikpela hevi long taim kantri i go long wanpela mak we i no gat mani long Sentral Benk. Kimisopa i tok, “Yumi lukim evidens bilong sampela liklik samting olsem prais bilong ol samting i wok long suruk i go antap.” Em i tok em bai moa gutpela sapos gavman i holim bek fainel riding bilong dispela amenmen inap nupela gavman i kamap long Ogas bihain long Nesenel Jeneral Ileksen.