OL pipel long Vabukori na Taikone komyuniti insait long NCD i wokbung long stopim pasin bilong dring bia na kamapim trabel.

Dispela em i wanpela komyuniti lo enfosmen program i bin kamap long taim bilong Nu Yia. Ol kaunsila na yut i bin go pas long program bilong was long komyuniti bilong ol. Pasin bilong putim was long komyuniti i daunim pasin bilong dring spak na pait na ol pipel i tok ol i lukim bikpela senis i kamap. Ol wokman bilong NCD Polis na Sentral Divisenel Hetkwata i go lukim dispela program na i amamas long komitmen tupela komyuniti i wokim. Polis i tok tenkyu na bai i givim helpim long dispela program.

UPNG Jenelism Sumatin Martha Mora Bokowi i raitim