WANPELA saveman bilong klaimet senis na envairomen i tok em i gat bikpela wari tru long laip bilong Lake Kutubu long Sauten Hailans Provins.

Professor Simon Haberle bilong Australian National University (ANU) wantaim ol arapela savelain na risetsa i gat bikpela intres tru long dispela bikpela raunwara long Kutubu na oltaim ol i save go i kam long sekim sapos em i orait yet o nogat. Long wanpela wok painim bilong ol, ol i painimaut olsem i gat bikpela senis i kamap. Planti ol enimal bilong dispela raunwara i no stap moa long wanem ol hap we ol i save stap na painim kaikaik long en. Ol i no moa stap insiat long dispela raunwara bihain long ol wok bilong maining i kamap na moa pipel i go stap na raun long dispela hap. Profesa Haberle i tok olsem ol i laik lukim olsem i mas gat bikpela was na wok painim i kamap long dispela raunwara long Kutubu , long banisim ol enimal na lukautim dispela raunwara i no ken kisim bikpela hevi.