ATONOMUS Bogenvil Gavman (ABG) i tokaut olsem bai em i kamapim wanpela Konstitusenel  Plening  Komisin bilong redim ol wok bilong kamapim wanpela mama lo bilong Independen Nesen bilong Bogenvil.

ABG Presiden Ishmael Toroama i bin tokaut long dispela na em i tok tu olsem independens em i no wanpela rait tasol bilong ol pipel bilong Bogenvil. Em i tok independens em i destiny bilong ol - o driman we bai mas kamap tru. Mista Toroama i tok PNG Konstitusen i gat amenmen  senis pinis bilong givim opsen (choice) long Bogenvil i ken kamap independen.

Hia em sampela toktok bilong Presiden Toroama long tingting bilong kamapim dispela Konstitusenel Plening Komisin: • Timeline i stap pinis bilong retifikesen bilong laik bilong ol pipel bilong Bogenvil long kamap independen em no bihain long 2025 na i no bihain long 2027. • Bogenvil i gat olgeta risos na gavman we i ken kamapim ol lo bilong ikonomik divelopmen. • Mista Toroama husat i bin wanpela komanda bilong Bogenvil Revoluseneri Ami (BRA) i tok, ansa bilong politikal bihain taim bilong Bogenvil em long stap isi na bihainim pasin bilong bel isi.