NESENEL gavman i tokaut long plen bilong en long konektim wokim ol rot we bai konektim olgeta rijon bilong Papua Niugini long yia 2040.

Ol wok bilong kamapim Konekt PNG Program bai i kamap long 4-pela Hap. Long Namba Wan Hap (2020  20270), Nesenel Gavman i givim tok orait long investim K7.0 bilien long  long konstrak, rihebilitet, mentein na wokim kamap gut moa long 2,300km bilong  ol ikonomik laiplain Haiwe, senisim 1,000 mita bilong ol olpela bris na joinim 1,800km rot long winim mak bilong dispela Polisi Ajenda bilong 100% Rot Konektiviti long PNG. Namba Wan Hap Program bai konektim bikples stat long Vanimo  go long Aitape, Hailans na Momase Rijon i go kamap long Galp na Sentral Provins na konekt i go long Pot Mosbi wantaim Alotau long taim ol i wokim dispela Missing Link Section namel long Sentral Provins long Magi Haiwe na rot namel long Is na Wes Nu Briten long 2025.

Konekt PNG Program i stat pinis wantaim bikpela konstraksen wok aninit long Phase 1. I gat moa long K4.3 milien invesmen long 323 projek na kontrak  konstraksen i stat pinis wantaim koresponding skop long apgredim na stretim gut 5000km nesenel na provinsal rot we bai ol i senisim na wokim 1000 mita bilong ol bris long nesenel na sab-nesenel rot netwok. Hap bilong dispela projek i karamapim ol bikpela rot transpot em gavman bilong O’Neil/ Abl i bin kirapim namel long 2012 na 2018. I gat

luksave olsem namel long 8-pela yia, gavman bilong O’Neil/Abal i bin putim K6.5 bilien tasol em i bin spendim K3.8 bilien long stretiim gen na kamapim gut ol bikpela ikonomik rot infrastraksa projek long kantri. Sampela bilong ol dispela projek em Hailans Haiwe, Hailans Ko Rot Netwok, LaeNadzab 4 Lein Seksen 1A long Bugandi Raunabaut i go long 9 Mail, KagamugaMt Hagen Siti 4 Lein Seksen, Seksen bilong ol rot long Pot Mosbi Siti, Seksen bilong Ateriel Rot long Lae Siti, ol rot long Bogenvil, Boluminski Haiwe, 12pela bris long mak bilong Dabol Lein stendet long Hiritano na Magi Haiwe na ADB-funded 12-pela bris long Nu Briten Haiwe long mak bilong 2 Lein stended. I tru olsem las gavman i bin winim ol arapela gavmen bipo long putim bikpela mani moa long stretim ol rot program. Tasol i bin gat hevi long kisim mani hariap long mekim ol dispela wok olsem na planti bilong ol kontrak na mentenens wok i no bin kamap long taim ol i bin makim, olsem na  Marape/Basil Gavman i bin karim dispela hevi long taim ol i bin kamapim gavman long Me 2019. Planti ol rot infrastraksa projek i save winim planti yia long pinisim ol wok, olsem na wok i mas go yet bihainim polisi na komitmen bilong mani. Komitmen bilong politisen em sampela impoten samting bilong winim dispela driman bilong kamapim gutpela rot netwok long PNG we i wanpela bikpela salens bilong gavman. I gutpela long lukim olsem bikpela wok i kamap nau long statim wok gen long senisim na kamapim gut ol ikonomik laiplain haiwe we ol bai sapotim ikonomi bilong kantri long gro na givim gutpela sevis long ol pipel. M a r a p e / B a s i l gavman i skruim wok em las gavman i no bin pinisim. Gavman i laik lukim olsem olgeta 4-pela rijon long kantri i mas gat ol infrastraksa divelopmen program na investim mani we bai kamapim moa mani long dispela invesmen.