NICTA i tokaut long kopret plen bilong en bilong yia 2021 i go inap 2025 long Trinde, 24, 2021.

Minista bilong Infomesin, Komyunikesin na Teknoloji, Timothy Masiu i tok dispela plen em i impoten tru bikos em bai bringim NICTA i go long gutpela rot. Mista Masiu i tok nupela plen bilong 5-pela yia i lukluk long ol senis we i bin kamap long ol yia i go pinis na long wankain taim i givim tingting long gavman, indasitri na ol kastoma. Nupela kopret plen i lukluk long: 1. Kamapim gut wok bung   wantaim bilong ol stekholda na gavman 2. Strongim komyunikesin namel   long ol sitisen 3. Kamapim ol lo bilong lukautim   ICT sekta 4. Kamapim gut konektiviti 5. Yusim teknoloji long karimaut   lokal inovesin ICT em i gutpela   rot bilong groim ikonomi na   sosel divelopmen. Long wankain taim ICT i gat tupela bikpela salens. Namba wan em, divelopmen bilong teknoloji we i wok long gro kwiktaim tru long wol na NICTA i mas wok hat long inapim laik bilong ol lokal pipel long PNG. Namba tu em diman bilong ICT sevis i go antap bikpela tru bikos kantri i gat planti save manmeri husat i wok long yusim dijital teknoloji long mekim ol SME bisnis. Minista Masiu i askim NICTA long kamapim reguletri envairomen we i sapotim ol SME na bisnis. Bikos dispela sekta i ken mekim moa mani na groim ikonomi bilong kantri na tu PNG i ken kamap wanpela dijital ikonomi long taim bihain. Dispela kopret plen i soim klia taget bilong NICTA na i mas mekim wok bilong en long gutpela bilong ol sitisen, indastri na kantri.

Carolyne Ketsimur i raitim