PRAIM Minista James Marape bai i no inap go long Klaimet Senis Kibung long Glasgow, Scotland long neks wik.

Dispela em Yunaitet Nesen (UN) bung we olgeta lida long kantri bai kamap na toktok long daunim hevi bilong Klaimet Senis. Marape i tok em i inap long go long dispela kibung tasol bikos hevi bilong sik coronavirus (COVID-19) i bikpela tru long kantri, em bai stap bek na lukluk long dispela hevi. Em i tokaut long dispela long NBC TokBek So long Mande dispela wik. “Mipela i no inap long givim sans long lusim ol franlain helt woka bilong mipela,” Marape i tok. “Mipela i no inap long lusim ol franlain helt woka bilong mipela olsem Profesa Dokta Glen Mola o Dokta Yakobus. Dispela bai bikpela lus tumas na ol arapela helt wok manmeri o ol lain i pas long wok bilong helt. “Sefti bilong ol na sefti long ples ol i wok long em i bikpela tumas. “Long helt sistem, long ventilesen sistem, long ring na kisim helpim na long veksin mipela i gat long em. “Mipela i mas gat straktsa we i strong na i wok.” Marape i tok bikos long dispela em i no inap go long dispela kibung. Em i tok em i givim pinis Klaimet Senis toktok long Yunaitet Nesen (UN) Jeneral Asembli long stat bilong dispela mun na dispela em PNG delegesen i go long UN Klaimet Senis kibung long surukim tok. Dispela bai lukim Minista bilong Envairomen na Konsevesen, Wera Mori husat i bai makim kantri na givim toktok long Klaimet Senis. Gavana bilong Is Sepik, Allan Bird na sampela ol opisa bai go wantaim Minista long dispela kibung.