WANPELA meri i dai long ai bilong planti manmeri long Kavieng taun insait long Nu Ailan Provins long las wik Fonde. Dispela hevi i kamap bihain long wanpela kros i kamap namel long dispela viktim na man bilong en.

NBC Niu Ailan I ripot olsem dispela dai i bin kamap long de taim we planti manmeri i bin sanap na lukluk i stap. Niu Ailan Polis Komanda na Sif Inspekta Felix Nebanat i tok, “Dispela meri bai no inap dai sapos ol manmeri husat i sanap na lukluk i helpim em na stopim dispela man. Mista Nebanat i tok, “Dispela dai i kamap bihain long wanpela kros i bin kamap namel long tupela manmeri long haus yet. Dispela saspek em i bilong Is Sepik na Madang i bin bihainim dispela viktim i kam long taun na kilim em wantaim stik bilong pilai golf. Bihain dispela saspek i ranawe long hait long Kokopo tasol ol Mobail Skwad bilong Tomaringa i bin holim em taim ol i go wok operesen long Namatanai. Nabanat i tok ol bai sasim dispela saspek wantaim wilful meda na ol narapela husat i laik haitim em tu bai ol i sasim ol long haitim dispela saspek .