CATHOLIC Bisops Conference (CBC) PNG/SI i wari olsem 123 asailum sika i stap yet long PNG na wet long go long narapela kantri taim Australia i tokaut pinis olsem em bai i pasim prosesing senta bilong ol asailum sika long PNG.

Dispela disisen em i gutpela tasol CBC i tok dispela i min sampela dispela ol man em ol intenesenel refuji na Australia i pasim dua long ol na ol i mas stap tasol long PNG. CBC i tok dispela i no stretpela pasin. Aninit long dispela wanbel bilong Australia gavman na PNG gavman long Oktoba 6, 2021 PNG nau bai i karim olgeta kost bilong lukautim ol dispela 123 asailum sika inap long taim tupela gavman i kamap long wanpela solusen. CBC i tok namel long ol 123 asailum sika samting olsem 30 bilong ol bai i go long Canada na narapela 35 i wet longpela taim tru long kisim bekim long gavman bilong USA bihain long ol i mekim skrining pinis.

Nau samting olsem 80 asailum sika bai i nogat moa sans long go sindaun long narapela kantri. Gavman bilong Australia i lusim ol tasol i stap na Papua Niugini i mas lukautim ol long hia. CBC i givim tok lukaut olsem sapos olgeta hevi bilong helpim ol asailum sika i stap long gavman bilong PNG tasol ol samting i ken go krangki na hevi i ken kamap. Em i tok i no bikos PNG i no laik lukautim ol tasol dispela wok bai i putim presa long ol baset bilong ol dipatmen we bai i lukautim ol. PNG i gat hevi pinis long ol helt na edukesen sekta na em i katim ol baset bilong en pinis na hevi bilong ol asailum sika i ken putim narapela hevi long baset. PNG i gat pinis klostu 10123 asailum sika stap yet long PNG ,000 Wes Papua refuji husat i stap long arere bilong ol PNG komyuniti na ol i nogat ekses long graun na ol arapela benefit.