Paul Zuvani i raitim RIPOT bilong Konstitusinel Lo Rifom Komisin (CLRC) bai wanpela long ol bikpela ajenda bilong palamen kibung long dispela wik i go.

Palamen i bin stat pinis long bung long dispela wik Tunde na bai stap inap long tupela wik we em bai pinis long neks wik. Dispela em ol laspela ol Palamen kibung bilong yia bipo long em i sindaun long Novemba kibung long gavman i tokaut long 2022 Mani Plen na givim tok orait bipo long em i wet na statim ol kibung long neks yia. Palamen Klak, Kala Aufa i tokaut long dispela long taim em i tokaut long ol Notis palamen i gat long dispela kibung. Dispela em Minista bilong Jastis, Bryan Kramer bai tokaut long Amenmen bilong Mama Lo we i laikim tok bilong kolim Papua Niuini i Kristen Kantri i mas stap long lo. Ol arapela ajenda Aufa i tokaut em long kamap bilong ilektronik transeksen bilong komesel na nonkomesel wok. Ripot bilong kolim PNG i Kristen Kantri i kamap bihainim inkwairi em CLRC i bin mekim taim em i raun long wan wan rijon long dispela yia long askim na kisim tingting bilong ol manmeri sapos i mas i gat senis long Mama Lo bilong kantri long kisim tok olsem PNG i Kristen Kantri. Ol arapela bikpela toktok we bai kamap long dispela bung em:

• Tok bilong “Limited Preferential Voting” (LPV) i go bek long “First Past the Post” (FPP);
• Kamap bilong sampela senis long Oganik Lo long Integriti bilong Politikal Pati na Kendidet (OLIPPAC), 2002 lo olsem bai i gat stabiliti.
• Toksave bilong Minista bilong Intagavman Riliesen long Ilektoral Baundri Komisin; na
• Vot bilong Bil long mekim senis long ileksen bilong Lokal Level Gavman Kaunsil.