DIPATMEN bilong Komyuniti Divelopmen na Rilijon (DfCDR) i wok bung wantaim Australia Dipatmen bilong Foren Afeas na Tred (DFAT), European Union, UN Women long holim wanpela konsaltesen long rivium Infomol Ikonomi Polisi bilong PNG long Lae las wik.

Ol I wok bung wantaim Konstitusen Lo rifom Komisin (CLRC),  Opis bilong Lejisletiv Kaunsil, na ol representetiv bilong gavman dipatmen na stet ejensi long ol distrik na provins long toktok long dispela draf komyuniti divelopmen bil. Dispela bil i kamap bikos long nid bilong mekim kamap polisi bilong Integretet Komyuniti Divelopmen 2019-2028 long sabnesenel level long banisim na strongim ol komyuniti long kantri olgeta. Ekting Sekreteri bilong DfCDR Jerry Ubase i tok, “Mipela i laikim olsem gutpela wok bung i mas stap long kamapim wanpela fremwok we i pasim sab-nesenel level na nesenel gavman wantaim. Tupela opisa bilong dipatmen bilong DfCDR i presentim ol hap hap bilong bil. Taim em i presentim hap bilong bil we i toktok long astingting bilong dispela bil, ekting deputi sekreteri Warren Marape i tok, “Mipela i mekim ol wok redi long putim wanpela sistem we ol polisi bilong mipela long banisim na strongim ol komyuniti i go daun long ol komyuniti.”