RIVIU bilong edukesen lo i kamap long gutpela taim stret. Dispela em tok amamas i kam long Constitutional Law Reform Commission (CLRC) taim em i stretim lo bilong edukesen long Goroka, Wabag, Madang, Kokopo na Lae long Ogas 2 i go 20.

CLRC i kisim gutpela ol toktok na edvais long ol Provinsal Edministresen, Provinsal Eksjeketiv Kaunsel, Provinsal Edukesen Menesmen olsem ol skul inspekta na ol tisa, ol sumatin long yunivesti, koles, praimeri na sekenderi skul. 

Siaman bilong CLRC Kevin Isifu i tok, “Ol i bai kisim tingting bilong ol ki stekholda long provins. Dispela em i mas kamap long mekim dispela wok bilong stretim ol olpela lo i stap pinis long en. “Ol sosel indiketa o mak bilong skul i soim olsem kwaliti bilong edukesen long PNG e mi pundaun go daun tru olsem na dispela riviu i mas kamap,” Mista Isifu i mekim dispela tok long taim em i lidim tim long Is Nu Briten. CLRC i nau sanap olsem independen bodi na mekim riviu long edukesen sistem, ol polisi na lo bilong edukesen na tu ol prektis na prosidia long luksave long ol

hap we i nidim senis o i gat salens na mekim redomendesen bilong ol senis. Astingting bilong dispela olgeta wok riviu em long apim kwaliti bilong edukesen long PNG. Dispela riviu i lukluk long Nesenel Standet bilong Akreditesen Ol tisa na Edukesen bilong ol tisa, Karikulum na pefomens bilong ol sumatin. Las wok bai kamap long NCD na Sentral provins long Ogas 30 i go inap long Septemba 10. Mista Isifu i askim husat manmeri i laik raitim sampela sabmisen na salim long ol, ol i ken mekim olsem bipo long 15 Septemba.

Samantha Solomon i raitim