I GAT singaut i kam nau long Pot Mosbi komyuniti long polis i mas lukluk na stretim hevi bilong alkahol, paia wara na spak brus long Pot Mosbi.

Dispela singaut i kamap long Facebook taim ol pipel i lukim stori bilong polis i tokaut long bikpela pait long Baruni ples we ol haus tu i paia. Polis i tok ol i traim long helpim long daunim hevi tasol ol i no inap. Wanpela mausmeri long Gerehu komyuniti Mathilda Koma i singaut long polis i mas long ol i mas polisim wok bilong kamapim na salim ol Vitis prodak. Mis Koma i tok ol mak bilong alcohol.

long ol vitis prodak em i antap long 50 pesen. Dispela ol prodak na ol  ‘paia wara’ na ‘stim’ ol i salim fri tasol long buai maket long Hanuabada. Mis Koma i tok skelim wantaim SP mak bilong alkohol em 5 pesen na sampela prodak bilong Vitis em i abrusim mak stret. Narapela yusa bilong Facebook i tok PNG i lukim planti indai pinis i kamap bikos long alkohol. Em i tok moa olsem gavman i mas stopim ol stua long salim alkohol na lukluk long painim solusen bilong daunim ol hevi i kamap bihain long ol lain I kisim alcohol.