PAIA i bin kukim tupela pikinini long Boroko long Pot Mosbi long las Fraide na moa long sikis-pela wokmanmeri bilong National Broadcasting Corporation (NBC) i lusim haus na ol samting bilong ol  long dispela paia.

Dispela tupela pikinini i bilong Wes Papua na Mailu long Sentral Provins. Ol man na meri husat i bin stap long dispela taim i tok paia i bin kirap long wanpela rum long graun level. Ol man bilong kilim paia i bin traim long rausim dispela tupela

pikinini tasol paia i bin bikpela tru. Ol i traim long helpim inap long haus i paia na pinis long apinun. Paia i bin kukim dispela haus long 2 klok apinun. Nogat man i save paia i stat olsem wanem. Ol lain bilong wok painimaut i wok long mekim wok i stap long save long paia i kam long we. Papa bilong dispela tupela pikinini em wanpela man husat i bin wok  wantaim NBC longpela taim. Ol NBC wokmanmeri husat i save stap long hap i tok ol menesmen i no save luksave na dispela tu i  mekim na hap i paia.