WAPENAMANDA Distrik Divelopmen Atoriti (WDDA) bilong Enga provins i givim sans long ol yut long mekim wok bilong ol yet long taim ol i bin statim Distrik Yut Divelopmen Kaunsil (DYDC) long Septemba 11, las yia.

Dispela wok i kamap long taim distrik i bin wok patnasip wantaim Nesenel Yut Divelopmen Atoriti (NYDA) long statim DYDC bilong ol.

DYDC Dairekta Jeneral Joe Itaki i tokim midia olsem dispel kain netwok bai inap strongim wok bilong yut na mekim nesenel Yut Polisi i kamap isi long implementim. Mista Itaki i tok pastaim long DYDA i bihainim yut program dispela ol samting em i ki netwok

we ol stekholda long rurel eria mas helpim na kamapim strong wok bilong yut kaunsil long ol 89 distrik insait long kantri. “Dispelai ken mekim ol yut i patisipet long divelopmen yusim sans ol i gat na DYDC bai inap lukim na sapotim ol distrik risos basket. “Kaunsil sevis i olsem bris namel long ol yut i nogat strong long mekim wok na ol gavman atoriti i mas helpim ol,” em i tok. Mista Itaki i tok statim bilong DYDA Ekt i bin kamap long 2014 na Memorandum of Understanding (MoU) ol i sainim wantaim WDDA em long searim ol risos long implementim yut divelopmen polisi 2020-2030. “DYDA i ken wok bihainim provins ol yut plen we bai mekim ol yut i

kamapim projek bilong ol yet. “Mipela tok tenkyu long Memba bilong Wapenamanda open Rimbink Pato na Gavana Sir Peter Ipatas long kamapim na strongim lidasip bilong distrik na provins we ol yut i wok long mekim sampela gutpela wok insait long provins long daunim divelopmen isu insait long kantri. “Tupela lida i wok strong long helpim ol yut long givim sans long ol yangpela pipel long ol yet i ken kamapim ol wok bilongol,” em i tok. Wok bilong statim DYDC bai kamap long ol distrik bilong Enga provins, Esa’ala long Milen Be Provins, Finschhafen long Morobe Provins, Gumine long Simbu Provins na Mul-Baiyer long Westen Hailans Provins insait long dispela yia 2021 tasol.

Joseph Dawai i raitim