WOK bilong bungim ol viles long kisim gavman sevis na sampela helpim bai kamap sapos i gat sistem o rot netwok.

Long sampela divelopim nesen olsem PNG i mas i gat konstraksen bilong ol nupela rot na ap greding bilong ol olpela rot em i impoten. I no bilong ol Memba bilong Palamen tasol bilong olgeta lida insait long komyuniti. Olsem tasol ol pipel bilong Ningerum Lokol Level Gavman (LLG) bai nau yusim rot long go long Kiunga taun konektim Kiunga Eben LLG/ na Kiunga rural. Pastaim ol i save wokabout 26 kilomita long Sisikam/ Rarengrae rot netwok i bin long stat bilong dispela yia na klostu bai pinis. Tenkyu tru long Not Flai Distrik Divelopmen Atoriti (DDA) long kamapim dispela impoten rot long bungim wanpela top praioriti bilong Not Flai DDA aninit long lidasip People’s Reform Pati na lokol MP James Donald. Lokol lida bilong OK Tedi  Rijon John Nakdaun i tok Not Flai ilektoret i nidim gutpela rot netwok long wanem ilektoret i wan kain olsem tupela bikpela ilektoret bilong provins. Olsem na em i amamas long politikol lidasip bilong MP long lukim olsem ol rot mas bungim ol viles na taun long givim sevis long ol pipel bilong Not Flai Distrik. Not Flai open ilektoreti gat 5-pela lokol level gavman olsem Star Mountain rural LLG, Olsobip rural LLG, Ningerum rural LLG, Kiunga rural LLG na Kiunga eben LLG.

Joseph Dawai i raitim