GAVANA bilong Enga Provins Peter Ipatas i askim gavman long kisim bek Lo na Oda bilong kantri long las wik Palamen kibung.

Dispela GBV long kantri em wanpela sain bilong lo na oda long kantri bikos taim ol memba bilong palamen husat i gat tu tri laip i no pilim seif long muv raun tingim ol pipel bilong dispela kantri i ting olsem i no gat atoriti. “Mipela i ken toktok long hevi bilong divelopmen infrasktra o projek long dispela nesen tasol mipela i no gat gutpela lo na oda em mipela bai lusim dispela kantri,” Gavana Ipatas i tokaut klia long palamen. Ipatas i tokaut long palamen na salensim olgeta memba bilong palamen long joinim han na lukluk long menesim lo na oda

bilong kantri na tu sapotim polis enfosmen long gutpela bilong kantri. Gavman i mas luksave long ol polis bilong kantri bikos lo na oda em bikpela hevi long kantri we no gat gutpela menesmen na sapot bilong gavman. Em i tok planti wok bilong lo na oda long kantri olsem na gavman nid long karim dispela hevi wok long stretim gut polis wok pastaim na bai mekim isi long daunim ol GBV o ol arapela hevi. Kantri i save kisim strong taim lo na oda bodi bilong ol i strong wantaim strongpela polisi. “Taim mipela i kisim ol polis long investiget, arest na prosikiut pipel. “Mipela i mas stretim polis fos na ol arapela i bai kam long lain na larim ol polis wokim wok bilong ol yet,” Ipatas i tok.

Jacklyn Kimala i raitim