OL Oposisen i askim ol Gavman long givim ful odit ripot bilong K5.7 bilien long COVID-19 pandemik long Tunde Palamen sindaun.

Dispela askim i kam long Oposisen lida, Minista Belden Namah bihain long gavman i bin givim ripot bilong K5.7 bilien long COVID-19 long las wik palamen kibung. Minista bilong Treseri Ian LingStuckey i bin tokaut klia long palamen kibung olsem dispela K5.7 bilien bilong COVID-19 i bin go long protektim baset, ikonomi na pipel bilong Papua Niugini. Tresera Ling-Stuckey i tok sapos gavman i no bin yusim dispela K5.7 bilien long daunim COVID-19 pandemik long kantri las yia em bai no gat planti nes, dokta  na polis long karim aut wok bilong COVID-19 long kantri. Em i tok gavman i bin yusim K138 milien long baim ol pablik seven bilong kantri, em ol nes, dokta na polis long las yia long surukim wok bilong COVID-19.

Jacklyn Kimala i raitim