OL UPNG sumatin i bin gat sans long luksave long sampela wokples na bisnis haus asde Trinde taim ol i go mekim keria ekspo long UPNG. Studen Services dipatmen i go pas long mekim rot bilong ol sumatin husat i bai pinism skul bilong ol long dispela yia.

Vais Sensela Profesa Frank Griffin i tok amamas long kam bilong ol long helpim ol sumatin husat i nidim ol infomesen long painim wok taim ol i pinisim skul. “Yupela i mas askim planti toktok na luksave gut long ol lain husat

i kam long olgeta oganisesen na em bai helpim yupela long painim wok taim yupela i pinis long yunivesti,” Prof Griffin i tok. Sampela ol kampani olsem Bank South Pacific (BSP), Internal revenue Commission (IRC), Deloitte, Paradise Company, Nasfund , PNG Jobseekers na ol narapela oganisesen i bin kam long Trinde Ogas 4 insait long UPNG Drill Hall. Olgeta fainel yia sumatin i bin go long dispela bung long helpim ol yet long luksave long ol bikepla manmeri bilong ol oganisesen na toktok wantaim ol.

Samantha Solomon i raitim