EM i bikpela samting long ripot long ol manmeri husat i sutim tok long sanguma na bagarapim laip na ol samting bilong narapela, wanpela stadi i tok.

Nesenel Risets Institut(NRI), insitut we i save givim tingting long gavman long kamapim gut ol wok i tokaut long dispela long wanpela ripot bilong wantaim het tok accusation-related violence (SARV) long Enga Provins long dispela wik. NRI i mekim dispela tok bihain long em i mekim wanpela stadi long Enga Provins long dispela yia.

Dispela stadi i painimaut olsem polis na mejistret i save stretim kain hevi long taim em i gat save o taim dispela hevi long ai bilong kot. Ripot i tok wan wan taim em wanpela pasto, sios lida o sampela lokal lida long ples i save stretim. Planti taim nogat ripot kain hevi i kamap ples klia o i go long han polis long kot i ken stretim. “Em i bikpela samting long gavman i mas kamapim ol lo long givim mekimsave long ol lain husat i sutim tok long ol narapela na i go bagarapim ol na samting bilong ol,” ripot i tok. “Taim kain hevi i go long ai ol lida

sapos em pasto, pater o sios lida, ol bai tokaut stret olsem i no gat wanpela samting is tap ples klia long tokaut olsem man o meri i dai long pasin bilong sanguma.” NRI i tok taim komyuniti i save dispela em i isi long kain tok i go long han bilong lo. Em i tok dispela i mekim isi tu long lo i ken holim pasim na givim mekimsave long ol lain husat i bagarapim laip o ol samting bilong narapela manmeri. Ripot i tok long komyuniti i save long kain sindaun dispela i daunim hevi bilong Sorcery Accusation Related Violence (SARV).