UNITED Nations Development Programme (UNDP) long Papua Niugini i wok bung wantaim Dipatmen bilong Komyuniti Developmen na Rilijon (DFCR) long stopim pasin bilong bagarapim meri.

Ol i kamapim wanpela woksap long tripela de insait long Pot Mosbi long kamapim baset bilong sapotim ol yet long wok bilong stopim pasin bilog bagarapim ol meri. Woksap i stat long Ogas 2 i go long Ogas 4 long Gateway Hotel insait long Pot

Mosbi. Ol UNDP na European Union (EU)i save sapotim dispela wok long olgeta hap bilon wol. Ekting Sekreteri bilong DFCR Jerry Ubase i tok, “Dipatmen bilong en na ol tim bilong en bai i wok wantaim ol narapela edministreta bilong ol provins long stopim dispela kain pasim. Ol DFCR bai i go pas long implemenim Nesenel Gender Base Violence strateji bilong 2016 i go inap 2025. UNDP i sapotim DFCR na 14 provinsal gavman long kamapim

ol opis long ol dispela provins na bai helpim long stopim pasin bilong bagarapim ol meri. UNDP bai helpim long sait bilong mani na pepa wok wantaim. Long 2021UNDP na DFCR i go long 10-pela provins na patna wantaim 132 patna. Ol EU-UN spotlait i lukluk long ol provins olsem Simbu, Is Nu Briten, Enga, Isten AIlens, Is Sepik, Jiwaka, Morobe, NCD na ol arapela provins tu. Dispela wok bilong spot lait i bin stat long 2020 insait long Papua Niugini.

Samantha Solomon i raitim