LONG las wik Fraide 23 Julai, Pot Mosbi Remembrance Park long Ela Beach i bin witnesim tingim bek bilong ol lain man husat i bin pait na lusim laip bilong ol long Wol Woa II (1942-45).

Ol minista na memba bilong Palamen, ol bikman bilong gavman dipatmen na ejensi na ol memba bilong Diplometik kop, ol bipo sevisman na famili bilong ol, PNG kaunsil ov sios na ol memba bilong disaplin fos; PNG Difens Fos, Royal PNG Konstabuleri na Koreksenal sevis opisa, ol Boi skaut na Gel gaid na ol planti pipel tu i bin kamap long dispela seremoni. Seremoni i bin stap 5-pela aua, stat long 7 klok i go long 12 klok apinun. Long dispela taim Gavana Jeneral Sir Bob Dadae tu i bin kamap long soim rispek bilong makim dispela 40 Rimembrens De. Het toktok bilong dispela de em “Legesi bilong ol , Insparesen bilong yumi”. Em olsem stori ol i kamapim na yumi bai stori olgeta taim na yumi tu ken kisim bel kirap long winim sampela bikpela samting long laip bilong yumi.

Kingsley Tabing i raitim