NESENEL populesen Hausing Sensus (NPHC) ol i ting bai kamap long 2021 em ol i surukim taim i go long
2024. Nesenel Stetistikol Opis (NSO) i salim pablik notis long Julai 9, 2021 long strongim dispela tok
olsem ol i bin senisim taim bilong 2021 NPHC i go long 2024.

Ekting Nesenel Stetistisen John Igitoi i tok
bihain long tripela (3) yia bilong redim opis wok bai ol inap pinisim rolaut wok. Tasol olsem opis ejensi i
makim steit mipela mas mekim olgeta wok gavman i plenim long interes bilong kantri long adresim
COVID-19 pandemik wantaim. “NSO i laik mekim dispela sensus i kamap bihainim ol intenesenel standet
na i wok long redi tasol
sampela askim em NSO i no i stap long mak bilong bekim. “COVID-19 pandemik i bin bagarapim wok
plen bilong olgeta sekta insait long kantri na tu planti manmeri na ol pkinini i dai pinis. “Dispela i
kamapim pret long sosol midia olsem na sampela pipel i les long wok bung wantaim Nesenel Sensus
Opis. “Dispela tu bai mekim gavman i painim hat long mekim ol pipel i bilip long toktok bilong gavman
long kondaktim sensus long kamap long mak bilong intenesenel standet. “Sapos nogat gutpela wok bung
wantaim long kamapim dispela sensus data bai em i no inap orait long taim gavman i spendim bikpela
mani pinis long kamapim dispela wok bilong sensus,” em i tok.

Joseph Dawai i raitim