SIF Maigresen Opisa Stanis Hulahau i saspendim sikispela opisa long PNG Imigresen na Sitisen Atoriti
(PNGICA) na singautim polis long mekim investigesen long ol.

Tripela opisa i kisim dispela mekimsave
long ol tingting olsem ol i mekim sampela paul pasin long wok bilong prosesim ol visa aplikesen. Ol
arapela tripela em ol senia menesa long Kopret Sevis Divisen. Ol i kisim mekimsave long ol tingting olsem
ol i paulim mani bilong PNGICA. Long taim em i stat wok long PNGICA Mista Hulahau i bihainim wanpela
pasin bilong no ken tru larim korapsen i kamap insait long atoriti. Em i bin tok strong long ol opisa olsem
husat opisa i mekim pasin bilong bagarapim nem bilong atoriti bai i kisim mekimsave. “Dispela opis em i
no bilong mi. Em i bilong eit milien pipel bilong PNG, na mipela olgeta i gat tok wantaim ol takis peia na
ol pipel husat i mekim bisnis wantaim mipela. “Ol eksen na prektis bilong mipela i no ken bringim nem
nogut long gutpela wok na trupela pasin bilong ogenaisesen, Hulahau i tok. Em i tok strong long ol opisa
long bihainim gutpela bisnis prektis na gutpela pasin long wok bilong ol wantaim atoriti na gavman
bilong PNG.