OL pipel long ol rural ples insait long kantri Papua Niugini i no kisim gut ol sevis bilong gavman.

National
Research Institute(NRI) Projek Lida Dokta Thomas Webster i tok, “Pasin bilong givim ol namba wan sevis
olsem bris na rot long ol pipel em i no moa kamap long 20 krismas i go pinis.” Dokta Webster i tok, sapos
mipela i lukim ol dispela hevi na i no mekim wanpela samting em ba i go bikpela na bai hat lo stopim
long bihain taim. Mipela i save lukim ol manmeri i save kam aut long ol media na tok olsem ol i no gat ol
sevis long ples bilong ol, Dokta Webster i tok. Dokta Webster i tok, “Ol nesenel institutsen olsem polis ol
helt wok manmeri i go SLEK tu long kain taim nau yumi stap. Planti mani i wok long go long ol dispela
hap tasol nogat gutpela ripot i save kam aut long wanem wok bilong ol
dispela mani. NRI i gat plen long bungim ol manmeri husat i wok olsem tisa, politisen, na ol lain bilong
mekim polisi long toktok long ol sevis i mas go long ol pipel. Dokta Webster i tok, “Long dispela bung em
i bai helpim ol dispela wok manmeri long nogat inap sevis i go long ol rural ples na tu em i ba helpim
long mekim disisen long ol provins laik ran ol yet olsem Bougenvil.” Dokta Webster i askim ol pipel long
kam aut na toktok long redio o niuspepa bilong helpim ol institusen olsem NRI na gavman i bai lukluk
long ol wok bilong ol risesta. I gat 4-pela semina bai kamap long mun Ogas i go long Septemba. Namba
wan bung i kamap pinis na namab tu bai kama long Ogas 11, namba tri long Ogas 25, foa long Septemba
8 na faiv ba kamap long Septemba 22. Ol bai toktok moa long ol sevis na ol provins i laik wok ol yet.

Samantha Solomon i raitim