PASIN bilong bagrapim ol pikinini na mekim nogut long ol em i no gutpela. PNG Child Alliance i no
amamas long ol pasin ol bikpela manmeri i wok long mekim bilong bagarapim ol pikinini.

Ol wokmanmeri bilong PNG Child Alliance i tok ol dispela manmeri bilong mekim nogut long ol pikinini i
mas kisim bikpela mekimsave. Dispela pasin bilong bagarapim ol pikinini em i wok long kamap bikpela
long Papua Niugini. Pasin bilong bagarapim bodi bilong ol liklik pikinini na mekim nogut long ol em i gat
lo na ol rait bilong ol pikinini i stap. United Nation Konvensen i tok ol pikinini i gat rait long gro na stap
gut. Wok painimaut i soim olsem 75 pesen bilong ol pikinini long PNG i save stap long kain hevi olsem
papamama bagarapim ol o ol narapela wantok i no mekim gut long ol. Ol pikinini husat i bin go long kain
ol samting ol vailens ol i no save lus tingting. Planti bilong ol i save go long kaunseling planti taim long
helpim ol long no ken tingim. Ol pikinini olsem i nidim sampela kea senta long go na i stap long kisim
helpim. PNG Child Allinace i tok amamas long gavman long luksave na helpim long painim ol manmeri
husat i save bagarapim ol pikinini. Gavman tu i nid long mekim sua olsem ol dispela lain nogut i mas
kisim panismen na pen na ol i mas toktok wantaim kot. Ol PNG Child Allinace i tok amamas long tu long
ol lain huat i save helpim long luksave long ol kain pikinini. Ol i askim ol PNG Gavman na ol dona long
helpim long stopim kain pasin insait long ol skul, komyuniti na kantri.