PNG Gavman i mas wokim sampela ripot bilong ol polis wok insait long siti bikos planti pipel long
Waigani maket eria i kisim bagarap long olgeta de.

Dispela i no ol maket manmeri tasol ol wok pipel tu
save kisim pen nating taim ol NCDC polis i save kam bagarapim maket na kikim tebol wantaim pikinini
sekim bilum bilong ol pipel sanap nating na lukluk. Ol polis i mas save long wanem kain wok bilong ol na
strongim Lo na Oda long gutpela klinpla rot long amamasim ol pipel na gavman wantaim. “Mi no wanbel
taim wanpela polis man kam sekim bilum bilong mi na fosim mi long kalap long bas taim mipela wetim ol
bas na manmeri long kalap,” wanpela
wokman i tok. “Mi no amamas na krai taim ol polis kisim 10-pela meri kolos bilong mi bikos ol samting i
no save mekim rabis na bilong wanem ol kisim go em ol mani,” wanpela mama krai na tok. Ol polis i mas
skelim wok bilong ol na rausim ol tebol save mekim rabis na lusim ol mama salim meri kolos o sapos no
gat makim taim bilong pasim maket na taim bilong maket bai ol maket pipel yet i ken pasim maket long
rait taim. Wankain taim tu ol mas gat sampela graun lo we ol maket pipel i ken bihainim olsem, wan wan
tebol i mas lukautim rabis o makim ol liklik grup i ken klinim ples bihain long maket. Dispela ol toktok i
bin kamap bihain long ol polis i bagarapim ol tebol maket long Waigani long las wik Mande.

Jacklyn Kimala i raitim