OL grup man holim bus naip na i bin go bagarapim wanpela famili bilong lapun meri husat i gat 67
krismas long Sabama ples long rausim ol.

Ol famili bilong lapun meri i bin guria long lukim grup man
holim bus naip na brukim geit bilong ol go insait na bagarapim haus bilong ol long wantaim olgeta
samting. Dispela ol grup man i bin fosim Aora Avee na famili bilong em long lusim haus bikos ol laik kisim
taitel tasol tru em stap aninit long National Housing Cooperation Property. Long wankain taim ol polis
bilong Badili i go insait hariap na holim 13 man husat i go pas long bagarapim ol famili long haus na tu
long stopim ol narapela bagarap i bin kamap. Avee i tok em i no save bungim dispela kain hevi long laip
taim bilong em, tasol dispela em bin namba wan taim long lukim ol grup man kam wantaim bus naip
long rausim na bagarapim samting bilong em insait long haus. Memba bilong Mosbi Saut na Minista
bilong APEC na Lands Justin Tkatchenko i lukim ol famili kisim bagarap na kolim ol dispela man olsem
enimal.
Namel long ol dispela man ol polis holim 13 na sasim na wetim kot bilong ol.