LAS wik long Pot Mosbi Law and Justice Gender Equity, Disability na Social Inclusion Community of
Practice (GEDSI) i tokaut long ol posta na ol brosa bilong helpim long stopim pasin bilong vailens long
wok ples olsem opis.

Sekreteri bilong Depatmen bilong
Jastis na Atoni Jeneral (DJAG) Dokta Eric Kwa, Mausman bilong Australia Hai Komisin Minista Kaunsel
Micahel Mckenzie, Deputi Sekreteri bilong Constitutional Law Reform Committee ( CLRC) Dorothy
Mimingo Kesenga na ol opisa bilong Polis, Koreksenel Sevis, Jastis dipatmen na Dipatmen bilong Plening i
bin stap
long dispela bung. Dokta Kwa i tok mipela i mas no ken lukluk long wanpela hap tasol olsem wok ples
vailens. Mipela i mas lukluk long as tru bilong ol hevi olsem vailens i wok long kamap. “Vailens em i
kamap long olgeta hap na wanem samting tru i mekim na ol mama na pikinini na ol papa tu i wok lo
kamap viktim bilong vailens,” Dokta Kwa i tok. “Taim yumi save tru tru long as bilong kain ol vailens i
kamap em bai isi long yumi stretim,” Dokta Kwa i tok. Yumi mas i gat bikpela tingting long paitim vailens
insait long ol komyuniti, haus na ol wok ples na impoten hap em insait long famili. Minista Michael
Mckenzie i tok, “Dispela ol posta na ol brosa i bai helpim long rausim pasin bilong vailens long wok ples.
Ol infomesen i stap long ol posta i impoten na ol i mas putim ol dispela posta long olgeta opis na wok
ples bilong helpim na rausim vailens insait long kantri. Dorothy Mimingi i tok, “Pastaim mipela i save
yusim GESI tasol we i no lukluk long nid bilong ol pipel wantaim disability. Nau mipela putim ol pipel
husat i lek na han bagarap, aipas na ol kain manmeri i go insait long dispela wok mipela i mekim.” Nau
mipela i putim ‘Disabiliti’ i go insait na bai mipela i stat yusim GEDSI.

Samantha Solomon i raitim