ENGA provins em i namba wan provins long Papua Niugini husat i kisim wokmak nau long apim
proteksen sistem bilong en long helpim long banisim vailens long ol meri na pikinini long provins.

Long redim ol yet long launsim namba wan Provinsal Pikinini na Famili Sevis Kaunsil long provins long Mande
28 Julai, 10-pela kaunsil memba na namba tu bilong ol i kisim wanpela indaksen trening we Nesenel Opis
bilong Pikinini na Famili Sevis i ranim. Dispela ol kaunsil memba i makim
ol sekta na institusen long Enga Provins. Bihain long trening dispela ol memba bai i karim wok bilong
Lukautim Pikinini Ekt 2015. UNICEF i amamas long sapotim dispela wok kamap na tok amamas long Enga
Provinsal Gavman long lidasip bilong en long go pas long dispela wok bilong Lukautim Pikinini Ekt long
provins. European Union na United Nation aninit long spotlait projek bilong en i sapotim kamap bilong
Enga Provinsal Kaunsil.