PAPUA Niugini Ilektoral Komisen i lonsim enrolmen program bilong ol vota bilong 2022 Nesene lJeneral Ileksen na statim baiometrik enrolmen long het opis long Pot Mosbi.

Dispela wok i bin kamap long toksave long ol vota olsem long taim ol i putim nem bai ol inap enrol long baiometrik sistem long nesenel Kapital Distrik (NCD) na Sentral Provins.

EktingI lektoral Komisina Simon Sinai i tok long impruvim stret wok bilong ilektoral rol PNGEC bai statim baiometrik bilong ol vota enrolmen long NCD na Sentral provins.

“Baiometrik i bilong strongim trupela pasin bilong vot long sekim na luksave ol vota i vot stret o nogat,” Sinai i tok.

PNGEC bai statim nupela enrolmen long olgeta wod insait long NCD na Sentral provins long kamapim baiometrik ilektoral rol na dispela bai mekim ol vota long rejista long baiometrik sistem.

“Taim ol vota i ken vot insait long NCD na Sentral provins i mas pas na bung long ol enrolmen ejensi; spesel masin em ol bai yusim long baiometrik data.

“Long NCD, bai ol i kisim pingaprin na poto,” Sinai i tok.

“Long Sentral provins ol bai i kisim poto tasol.

“Tupela samting bai kamap em long inap mekim isi long baiometrik masin long kisim pingaprin na poto na ol samting ol i nidim long kamapim dispela program,” Sinai i tok.

Dispela wok bai mekim PNGEC long sekim nid bilong bihain taim wok bilong baiometrik vot enrolmen program.

Sinai i tok stat bilong ol baiometrik vota enrolmen long NCD na Sentral provins i olsem namba wan ples bilong go aut long kantri na mekim olgeta manmeri i redi long vot long baiometrik voting sistem long kamap isi na seif long ileksen bilong yumi.

“Stat bilong baiometrik wok i gat planti hap bilong em na em i kost bikpela mani tasol em i gutpela na i seif long ileksen bilong kantri.

“Bai yumi no inap yusim komonrol bilong pastaim long vot.

Olgeta vota i mas kontek long PNGEC enrolmen ejensi long ol wod bilong ol long save olsem ol inap long vot o nogat,” em i tok.

Joseph Dawai i raitim