PASTAIM Wantok Niuspepa, Joe Koroma i dai long dispela wik.

Joe i bin wok wantaim tupela pepa, Wantok Niuspepa long Pidgin na The Times (English) aninit long Word Publishing Company.

Em i wok wantaim kampani klostu long ol pinis bilong 1970s na i go long 1980s.

Bihain long dispela Joe i go wantaim ol politik man na meri.

Long ol yia bilong 2000s Joe i lusim opis bilong ol politik man na i go bek long wok wantaim ol pipel bilong em long Bundi, Madang Provins.

Dispela long bungim ol pipel na pait long rait bilong ol long kamap bilong Ramu Nikel main long ples bilong ol long Bundi.

Joe i gat nem long ripot long ol bikpela nius arere long ol pastaim biknem ripota olsem Rowan Callick na Frank Senge Kolma.

Evah, meri bilong Joe Koroma i tokim Wantok Niuspepa Joe i bin gat sik long bel bilong em sampela taim na famili i kisim em i go long Kundiawa Jeneral Haus sik long Jun long lukim ol dokta.

Em i tok kain sik Joe i gat em i no gat masin bilong sekim long kantri long sekim na stretim em.

Ol dokta i helpim tasol wantaim sampela marasin na em i stap olsem tasol inap long taim em i lusim laip bilong em long las wik Sarere.

Bihain long dispela famili i kisim bodi bilong em na go bek long ples bilong ol long Madang.

Wanpela hap tasol we ol inap long lukim em long ovasis.

Bikos long dispela

Wantok Niuspepa i tok tenkyu long sapot bilong Joe long ol taim em bin stap wantaim Word Publishing Company.

Pepa i sori long harim dai bilong Joe na i salim bel isi tok i go long famili bilong em.

Stori bilong Joe i wanpela stori we tokaut long kain helt sistem kantri i gat long em.

Planti manmeri i lusim nating laip bikos nogat marasin i stap long sevim laip bilong ol o bikos ol masin bilong sekim na sapotim laip bilong manmeri i no stap long kantri.

Salens nau i stap long han bilong gavman long kamapim gutpela helt sistem long kantri.