RILESENSIP bilong Yunaitet Kingdom (UK) militeri na Papua Niugini Difens Fos i go het long i go bikpela taim UK i tingim na amamasim Armed Forces Day i no long taim i go pinis.

Ol  wan wan wokmanmeri long PNGDF, Koreksenel Sevis, Dipatmen bilong Difens, Dipatmen bilong Foren Afeas na Tred na Lo Rifom Komisin i makim ogenaisesen bilong ol i bin stap insait long wanpela Stratejik Lidasip program we UK Difens Akedemi long Cranfield University long UK i go pas long en.

Dispela program i bin kamap long Pot Mosbi i no long taim i go pinis. Dispela skul i save kamap tupela taim long wanpela yia na i gat strongpela tingting long strongim Kumul Lidasip Program bilong PNGDF.

Dispela em i gutpela samting i kamap we i soim olsem tupela kantri wantaim i skelim save na stail i go i kam.