Minista bilong International Development na Pacific long Australia Zed Seselja i mekim namba wan wokabaut bilong em nau long Papua Niugini Julai 4 i go long Julai 9.

Minista Seselja i tok Australia i save laik tru long mekim wok wantaim ol kantri i stap klostu long en. Namba wan wokabaut bilong mi olsem wanpela minista long go long em i  long soim Australia em i pren tru bilong tupela kantri ya.

Long PNG mi bai bungim Praim Minista Marape na edministresen bilong en na mekim strong dispela wok bung Australia i save gat wantaim PNG long sait bilong bisnis na sios, helt na ol wok olsem rot na haus.

Minista Seselja i bai opim wanpela haus long ANGAU haus sik we Australia i bin helpim long wokim na tu em bai i go long Trans-National Highway we Australia tu i helpim long wokim na Wafi-Golpu main tu.

Bihain long PNG Minista Selelja i bai go long Filipins na bungim ol Gavman lida long helpim ol long paitim sik COVID-19. Australia na Philippines tu i bai selebretim 75 yia bilong wok bung wantaim long dispela yia tu.

Pasin bilong Australia long wok bung wantaim Papua Niugini na Filipins long stopim COVID-19 i helpim gut ol man na meri bilong dispela tupela kantri na Australia wantaim.

“Mipela i bai helpim wanpela narapela long kamapim wanpela gutpela Indo-Pacific Region,” Minista Selelja i tok.