DEPUTI Praim Minista na Memba bilong Wau-Bulolo Sam Basil bai sanap long ai bilong Lidasip Traibunel.

Ombudsmen Komisin i mekim wok painimaut olsem i gat inap sut long Memba i mekim asua long lidaman na i askim Pablik Prosekyuta, Pondros Kaluwin long askim Sif Jastis Sir Gibbs Salika long kamapim wanpela lidasip traibunel olsem Basil bai kamap na bekim ol askim.

Dispela lidasip traibunel em Jastis Allen David bai siaman long en. Ol arapela memba insait long dispela traibunel em Sif Mejistret bilong Lens, Mark Selefkariu na Mejistret Josephine Kilage.

Traibunel i kamap aninit long Seksen 27(2) na Seksen(7) bilong Lidasip Traibel.

Long nau yet em i no klia long wanem taim Basil bai kamap long ai bilong traibunel na bekim ol askim.

Traibunel bai makim de bilong harim ol toktok bilong Basil long liklik taim bihain.