DISPELA em Igo Gari, na em i faunda bilong Hiri Coral PNG. Em i bilong ples Tubusere long Sentral Provins.

Igo Gari i luksave olsem i gat bikpela nid long kamapim gen Coral Reefs  o ol rip long ol solwara bilong PNG bikos ol pipel long PNG i save kisim kaikai long solwara long stap laip.

Em i kamapim dispela Ogenaisesen Hiri Coral PNG wantaim bikpela tingting long bringim bek ol rip insait long solawara.

Long dispela piksa em i lainim ol sumatin, ol wokmanmeri bilong DJAG na ol arapela patisipen husat i go long amamasim Wol Osen De na Coral Triangle de long Motupore Ailan, long helpim ol rip na lukautim ol na ol i ken i kamap planti na pulmapim solwara gen. Poto Rebecca