POLIS Minista, Wiliam Onglo i opim ten yia kopret plen 2021-2030 bilong Royal Papua Niugini Konstabulari (RPNGC) long Pot Mosbi las wik.

Ol sinia opisa bilong RPNGC na ol opisa bilong Gavman is tap long dispela bung tu.

Ol Operesenel Polis Asisten long olgeta hap long kantri i bin kam long Pot Mosbi long lukim dispela seremoni.

Mista Manning i tok dispela kopret plen bilong RPNGC i tokaut long ol driman na streteji we RPNGC bai mekim insait long 2021 i go long 2030.

“Dispela kopret plen i strongim komitmen bilong mipela long strongim polis fos long sevim ol pipel. Em i komitmen bilong mipela long mekim gut long ol lain mipela i mekim tok promis pinis long lukautim na sevim,” Mista Manning i tok.

Komisina David Manning i tok dispela kopret plen i soim olsem i mas i gat akauntabiliti long olgeta level bilong koman straksa bilong Konstabulari.

Mista Manning i salensim ol memba bilong Konstabulari long luksave gut long dispela kopret plen na save long wokmak bilong ol insait long dispela plen na wokbung wantaim em na menesmen bilong en long strongim Konstabulari na sevim ol pipel gut.