LAS wik ol pipel bilong Galp komyuniti long Gorobe na Talai setelmen i givim K10,000 kes mani long ol famili bilong wanpela man Tari husat i bin dai long las mun.

Dispela mani em bilong kamapim bel isi namel long ol Tari na ol Kerema husat i stap long dispela setelmen.

NCD Metropoliten Suprintenden Gideon Ikumu i tok amamas long dispela tingting we ol komyuniti lida na ol polis i kisim long kamapim dispela bel isi.

Metsup Ikumu i tok ol pipel bilong Galp i mekim dispela long wanem wanpela saspek long kilim indai wanpela man long kamap long Gorobe em bilong Galp Provins.

Mista Ikumu i tok polis i arestim pinis dispela saspek bilong Galp Provins long las mun na narapela husat tupela i bung wantaim na kamapim hevi ol i holim em long Trinde las wik tai mol polis long Dok Yunit na Fox Yunit i mekim wanpela spesel operesen long Sentral Provins.

Long wankain taim polis i wok hat yet long arestim tupela man husat i kamapim wanpela indai nogut tru long wanpela man Goilala long Koki.