Wanpela man i bin kilim tupela pikinini man bilong em long Pot Mosbi i stap nau long kalabus.

Ol PNG polis i tok dispela man husat i gat 29 krismas bilong Is Sepik Provins i bin sutim tupela pikinini man bilong em, namba wan pikinini i gat faivpela krismas na namba tu i  gat tupela krismas long haus bilong ol long Morata.

Polis ripot i tok dispela man tu i bin traim long kisim meri bilong em tu tasol ol komyuniti memba bilong meri i tok no gat long en.

Ol polis bilong Waigani i bin harim na go wantaim Mobail skwat na Fok 201 long kisim dispela man na kalabusim em.

Saint John Abulens tu i bin kamap long lukim dispela samting na karim tupela dai bodi bilong tupela pikinini go long Pot Mosbi Jeneral Haus sik.

NCD Metropoltian Superintended Gideon Ikumu bai tokaut bihain long kisim ful ripot kam long CID Homicide Detektiv bihain long ol sasim dispela man.