GAVMAN bilong Japan i bin givim US$3 milen long UNICEF long Papua Niugini long helpim wok bilong COVID-19 long PNG..

Mak bilong 298 helt fesiliti long kantri bai kisim dispela sapot i kam long Japan we bai helpim long sapotim sampela rot bilong dispela kol sein ikwipmen (CCE) long seifti bilong COVID-19 veksinesen.

Long Mas 9, Gavman bilong Japan i bin surukim Imejensi Grant Aid bilong mani mak 9.09 milen USD (em olsem long 1 bilien Japanese Yen) long ol Pasifik kantri wantaim PNG long sapotim wok bilong COVID-19. Namel long dispela mani, 3 milien USD, (em olsem long 324 milien Japanese Yen bai go long UNICEF long PNG.

Ol UNICEF i welkamim sapot bilong Japan long dispela taim bilong COVID-19 pandemik bikos dispela sapot i ken helpim olgeta 22 provins wantaim helt wok manmeri long dispela bikpela wok bilong COVID-19.

Dispela helpim bai givim ol Pasifik Ailan rijon wantaim kol sen medikol ikwipmen long trenim ol helt wok manmeri na teknikol program sapot.

Ol Gavman na pipel bilong Japan i amamas long sapotim Gavman na pipel bilong PNG long pait wantaim COVID-19.

Jacklyn Kimala i raitim