Sir John Pundari i welkamim suprim kot disisen long rausim kot salens bilong Oposisen Lida Belden Namah long ejensim 2021 baset na long kolim gen bung long Palamen klostu long pinis bilong 2020.

Memba bilong Kompiam-Ambum na minista bilong Fainens na Rural Divelopmen na Liberal Pati Lida i tok ol memba bilong Nesenel palamen mas soim gutpela pasin long ol pipel bilong kantri.

Em i tok marimari na tok sori em oposisen lida i bin kamapim pinis long plua bilong Palamen long famili bilong Gren Sif Sir Michael Somare, ol kot na ol pipel bilong Papua Niugini mas bihainim wantaim gutpela pasin na em i ken bringim wok bung wantaim namel long ol tripela han bilong gavman.

Oposisen lida i no toktok nating tasol, em i tok tru long samting em i tru. Yu tok olsem trupela soldia na PNG stret.

Sir John Pundari i tok oposisen lida i bin tok sori i no long senisim samting bilong bipo tasol em i redi long salens bilong bihaintaim wantaim spirit bilong yuniti.

Em i tok long wankain spirit, mipela singaut long Mista Namah olsem lida long lusim pasin bilong kot salens bilong ejensim gavman.

“Mi mas tokaut olsem i gat wanpela wina tasol long kot em ol loya na politikel namba disisen.

“Taim ol i feil long senisim gavman long Disemba las yia. Namba long plua bilong Palamen i soim disisen pinis. Yumi mas lusim pasin bilong pilai politik na lusim Praim Minista James Marape long pinisim ol dispela mun na larim ol pipel long skelim ol wok em i mekim pastaim long jeneral eleksen,” Sir John i tok.

Sir John Pundari i tok yumi planim pinis papa bilong kantri na yumi tok sori pinis long ol pasin yumi bin mekim. Yumi no bin toktok long maus tasol.

“Yumi wanbel long ol samting bai i ken helpim ol pipel na yumi mas i gat gutpela as long senisim ol lo tu.

“Long gutpela bilong kantri, yumi mas lusim ol samting i go long nesenel jeneral eleksen long givim inap taim long ol pipel i ken mekim disisen bilong ol yet,” em i tok.

Joseph Dawai i raitim