Wanpela dokta bilong haus sik i tok ol pablik long i no kaikaim ol kaikai i no gutpela we i ken kamapim sik daiabitis o kensa long bodi.

Dipatmen bilong Helt, Dokta John Malai i mekim dispela toktok long wanpela intaviu bihain long sampela bikpela lida bilong kantri i bin long dai.

Dokta Malai i tok as bilong dai bilong ol dispela lida em long sik daiabitis o kensa i bin kamap taim ol i save kisim ol kaikai nating we i save givim sik long bodi bilong ol.

Kaikai speselis i tok lukaut long ol pipel long senisim pasin bilong kaikai bikos pasin bilong kisim kaikai nating na kaikai inap givim sik long bodi bilong yumi ol manmeri na pkinini.

“Mipela laik tokim ol pipel bilong dispela kantri long  kontrolim ol kaikai ol i laik kisim na bai em inap helpim bodi bilong ol,” Dokta Malai i tok.

Em i tok ol kaikai  o dring ol i wokim long fektori na ol i save putim kala long sof dring, gam na beking. Ol i kolim tatrogen na E102  i no gutpela.

“Taim yu lukim yelo kala long sof dring em i ken kamapim sik kensa o daiabitis.”

Em i tok E102 na E210 ol i raitim i stap long prodak bikos dispela lebel em ol i save yusim long bia na frut jus.

“Taim pipel i kisim dispela kain dring em i ken painim sik kensa o daiabitis. Mipela save givim kiau long ol tasol long ol sikmanmeri long ol i kisim fud posin na i no ol samting olsem ais- krim.

Em i tok ol narapela presevetiv bai ken kamapim planti helt isu bilong bodi bilong pipel, taim ol i kisim ol kuk kaikai long ol stoa olsem potato na abus.

“Bikos em i save banisim kaikai i stap long taim na taim ol i kukim em i ken kamapim helt problem long ol pipel.

“Taim ol pipel i kisim stoa kaikai ol bai inap kisim sik long E220 ding we i ken bagarapim sistem bilong bodi o bel  bilong ol na em i ken kamapim kensa long bel.

Em i askim ol pipel long no ken kaikai planti ol stoa prodak bikos em inap kamapim kensa long bodi bilong ol.

Joseph Dawai i raitim