WANPELA Mande long 2018, em de we mipela bungim liklik meri nem bilong em Pamela long Kanduanam ples.

Pamela i bin gat 4-pela krismas long dispela taim na em i bin sik na hap indai long tripela de.

Long taim Tracey Hamer, Chris Cooke na Fred Holcomb i putim balus long wara long kisim Pamela, tim i luksave olsem dispela em i no nupela samting.

Bikpela grup bilong ol manmeri pikinini i sanap arere long wara na lukluk i stap taim balus i go daun na tim bilong mipela i traim long sevim dispela liklik pikinini meri.

Mipela i karim Pamela na putim em long balus, mekim prea na balus i lusim ples na i go long Wewak.

Insait long balus, Pamela i wok long guria na ai bilong em i tanim. Em i mekim dispela i go inap mipela i kamap na putim em long Ambulens na karim em i go long Boram haus sik.

Long haus sik Pamela i kisim marasin bilong serebral malaria na ol nes i no bin klia sapos em ba kamap orait bek o nogat.

Bihain long wanpela na hap wik, Pamela i stat long soim strong long bodi bilong em. Tim bilong mipela i save go visitim em long taim em i stap long haus sik.

Long laspela de bilong em long haus sik, Pamela i stap wantaim papa bilong em taim Chris Cooke i go long tok gutbai long em. Pamela i lukim Chris na i ran i go givim bikpela hag long en. Tim i lukim dispela na olgeta i amamas tru.

Tim i amamas olsem Pamela i orait gen bihain long bikpela sik i bin kisim em we i no gat gutpela save olsem em bai orait bek.

Ol kain stori i soim olsem God i mekim bikpela wok long Ministri bilong mipela insait long Papua Niugini wantaim gutpela sapot na prea bilong olgeta bilipmanmeri.