GAVMAN i givim nem, “Great Grand Chief” taitol long Sir Michael Thomas Somare.

Praim Minista James Marape i tokaut long dispela long Mande taim gavman i kisim bodi bilong Sir Michael i go bek long provins bilong em long Is Sepik long Sande dispela wik.

Mista Marape i tok dispela kain taitel em gavman i givim em bai tokaut olsem bai i nogat wanpela man moa, ol bai kolim olsem Great Grand Chief.

Em i tok Sir Michael i tok pait long kantri i kisim independens na i kamapim nem long kantri na planti hap bilong wol.

Planti memba bilong olgeta tripela han bilong gavman, em ekseketiv husat i gat praim minista na ol Minista bilong em, Lejisleta em ol memba bilong palamen na judisieri han em polis na ol jas.

Ol i go wantaim bodi bilong Sir Michael long Wewak.

Ol memba bilong sampela provinsal asembli olsem Wes Sepik, Madang, Morobe, Manus, Is Nu Briten na Sentral i kamap long provins long mekim las gutbai long Papa bilong Kantri, Great Grand Chief Sir Michael Thomas Somare.