GREN Sif Sir Michael Somare i bin yusim PNG Konstitusinel Plening Komiti (CPC) na redio long yunaitim kantri, Papua Niugini.

Em i tok em i bin go wantaim tim bilong PNGCC na i go raun long olgeta wan wan ol provins na tokim ol manmeri olsem gavman ol bai kamapim inap long bringim ol bikpela sevis olsem

helt, edukesen, rot na bisnis long ol. Em i tok taim em i tokim ol manmeri olsem, em inap long strongim tingting bilong ol long bung wantaim. Sir Michael i bin tok bikos long save em i bin gat long wok olsem redio anaunsa dispela i bin helpim em long bringim tok i go long ol manmeri long ol longwe ples

olsem Uvulu ailan long Manus. Em i mekim dispela tok long bekim askim bilong bipo Australia Broadcasting Corporation (ABC) ripota, Sean Dorney taim em i bin risain long wok politik long 2017 na kamap na toktok long National Broadcasting Corporation (NBC) Press Club toktok long Pot Mosbi long 2017 yet. “Wanpela samting mi na tim

bilong mi i bin mekim em long lukim olsem mipela i go long olgeta provins long kantri,” Sir Michael i tok. “Mipela i tokim ol olsem, wanpela de mipela bai kamap independen, na mipela bai stap wanpela kantri. “Mipela i tokim ol olsem bipo long mipela i kamap wanpela kantri, mipela i mas bung

wantaim. “Mipela i tokim ol olsem taim mipela i kamap wanpela kantri, mipela inap bringim ol sevis ol i laikim. “Bikos long dispela, mipela i kamap wanpela kantri.” Sir Michael i tok, tasol dispela i no bin isi, bikos tim bilong em i mas wok hat long lukim dispela tingting i karim kaikai.