GREN Sif Sir Michael Somare i gat rispekt na holim antap Mama Lo bilong kantri inap long taim em i dai, Sif Jastis Gibbs Salika i tok.

Em i tokim Sir Michael i tokim yumi long strong (sanctity) bilong lo. Sir Gibbs i mekim dispela tok long taim ol Westen Provins lida na manmeri i soim rispekt bilong ol long Haus Krai Sir Michael i bin go pas long Konstitusinel Plening Komiti (CPC), long kamapim Mama Lo bilong kantri we i gutpela tru long wol. Em i tok i no gat wanpela lo long ol arapela kantri we ol i raitim we inap go klostu long Mama Lo bilong yumi. “Dispela i soim Sir Michael i bin oltaim i givim luksave long lo,” Sir Gibbs i tok. Em i askim manmeri long bihainim pasin bilong Sir Michael na givim rispekt long lo olsem sosaiti bilong yumi i ken stap gut. Long wankain taim, pastaim Sif

Jastis Sir Salamo Injia em i lukim ples klia kain rispekt Sir Michael i gat long Mama Lo taim em i bungim hevi. Em i tok Sir Michael i bin bihainim lo na go long kot long stretim nem bilong em taim Ombudsmen Komisin (OC) i bin givim tok long paul pasin i kamap long opis i bilong em. Em i mekim dispela tok long taim ol lida na manmeri bilong Enga i soim rispekt bilong ol long las wik Sarere. Em i tok long dispela taim Sir Michael i no bin traim long pasim wok bilong OC tasol larim OC na ol kot i mekim wok bilong ol. Sir Salamo i tok dispela i wankain long ripsekt Sir Michael i bin soim taim hevi i bin kamap long wok bilong politik long 2011. Em i tok Sir Michael i bin mekim wanpela samting tasol i larim ol kot i mekim wok bilong ol na givim ansa.