1951- Australia i kamapim Legisletiv Kaunsil bilong 28 memba na Judiseri na Pablik Sevis.

1964- Ilektet Haus bilong Asembli i senisim Kaunsil.

Julai, 1972- Sir Michael Somare i kamap Sif Minista. Long dispela taim, toktok bilong taim bihain bilong PNG i stat long kamap. Long 1973, Sir Michael Somare i stat lidim kantri i go long Indipendens.

Septemba 16, 1975- PNG i kisim bikpela amamas taim kantri i kisim Indipendens. Prins Charles i bin go pas long dispela seremoni we pilak bilong Australia i bin go daun na pilak bilong PNG i go antap.

PNG i kamap Konstitiusinal Monaki na memba bilong British Komonwelt. Long wankain taim, Sir Michael Somare i kamap namba wan Praim Minista bilong PNG.

1980 - Sir Michael Somare i lus long vot bilong konfidens na Sir Julius Chan i kisim ples bilong em olsem Praim Minista.

1985 -No Konfidens mosen i kamap agensim Sir Michael Somare na Pais Wingti i kisim ples olsem lida na het bilong 5-pela pati kolisen.

1988 - Rabbie Namaliu i kisim ples bilong Mista Wingti. Long dispela taim, hevi bilong Bogenvil Maining i stat na ol lokal pipel i pait wantaim PNG Gavman.

Mas 1989 - Bikpela pait i kamap long Bogenvil Ailan. Dispela pait i stap long 9-pela yia na 20, 000 pipel i dai na planti nogat ples.

1990 - PNG i pasim olgeta rot bilong Bogenvil long kisim sevis.

Oktoba 1994 - Sir Julius Chan i sainim agrimen wantaim Bogenvil. Bogenvil Trensisenal i kamap long 1995

Janueri 1998 - Sispaia i kamap long Bogenvil. United Nations (UN) i statim misin long Bogenvil.

2001 - Bogenvil i sainim Pis Agrimen long Arawa na kamapim Atonomus Gavman.

Oktoba 2001 - Namel long ileksen vailens, Sir Michael Somare i kamap Praim Minista namba tri taim.

Ogas 13, 2007 - Sir Michael Somare i kamap Praim Minista gen long 2007 na 2008 em i tokaut long pinis wok.

2011 - PNG Palamen i vot long rausim Sir Michael Somare long opis taim em stap long haus sik long Singapore

Gavman i ilektim Peter O’Niell long kamap Praim Minista. Sir Michael i kam bek long PNG na tok em bai stap Praim Minista yet. Tupela i tok pait i go kam inap Peter Oneill i win na kamap Praim Minista.

Andie Noonan i bin raitim na Wantok Niuspepa i tanim tok i go long Tok Pisin.