FEBRUARI 26, 2021 em de Papua Niugini bai tingim olgeta yia.

Em de namba wan Praim Minista bilong Papua Niugini Gren Sif Sir Michael Thomas Somare i dai.

Taim em i stap laip yet, em i tok, “Mi givim gutpela hap bilong laip bilong mi long sevim kantri.”

Em i bin dai bihain long sik bilong pancreas i kisim em. Krismas bilong em 84.

Planti tok sori i go pinis long famili tasol long Papua Niugini olgeta i krai sori bikos dispela man i kamap wanpela kain lida husat i no resis long pawa, tasol i wok strong long bungim kantri na helpim em i kamap long wanpela mak olsem wanpela independen kantri.

Ol plak long kantri i flai long hap mak long soim sori bilong dispela lida.

Bodi bilong Gren Sif Somare bai i go bek long Is Sepik Provins na ol bai i planim em long Kreer Heights long Wewak.

Ol toksave bilong progrem bilong planim em bai i kamap long ol de i kam. Long Mas 11 stat long 3 klok long apinun inap 7 klok fiunerel sevis bai I kamap long Sir John Guise stedium long Pot Mosbi.