OL pipel bilong Piambal ples long lek bilong Maunt Giluwe long Imbonggu Distrik long Sauten Hailans tu i bin mekim sotpela wokabaut na soim sore bilong ol long dai bilong Gren Sif Sir Michael Somare.

Ol i rabim graun long bodi bilong ol na werim blakpela klos na soim las rispek bilong ol long man husat i bungim dispela bikpela kantri bilong 800 tok ples.

Ol i tok tenkyu long dispela man husat i tok yesa long kisim independens bilong Papua Niugini.

Ol lida bilong ol komyuniti long Imbonggu i bin go pas long ogenaisim dispela bung.

Ol i tok pikinini man bilong ol Pila Nininigi husat nau i memba bilong ol long palamen i bin yangpela man i stap long yunivesiti long 1982 na Somare i bin luksave na endosim em olsem kendidet bilong Imbonggu long Pangu Pati.

Ol i tok rispek i mas go bek long man husat i luksave long ol, em Gren Sif Sir Michael Somare.